Bora e madhe në pjesë të mëdha të Japonisë ka shkaktuar vdekjen e 17 personave dhe ka lënduar mbi 90 tjerë, ndërsa qindra shtëpi kanë mbetur pa energji elektrike, raporton “The Guardian”.
Autoritetet japoneze kanë bërë të ditur se dimri i fuqishëm ka shkaktuar borë të madhe në rajonet veriore që nga java e kaluar. Qindra vetura kanë mbetur të ngujuara në autostrada, janë vonuar shërbimet e emergjencës dhe 11 persona kanë vdekur qysh të shtunën.
Shumica e vdekjeve është shkaktuar nga rrëzimi nga çatitë, ndërsa kanë tentuar të pastrojnë ato nga bora. Apo janë varrosur nga bora e madhe që ishte mbledhur nëpër çati dhe ka rënë. /koha
