Është arrestuar një person në Rahovec, pasi sipas policisë i njëjti kishte sulmuar me thikë një burrë dhe një grua.
Me ç’rast iu kishte shkaktuar lëndime trupore. Policia njofton se sipas dëshmitarëve i njëjti vuan nga problemet mendore.
Viktimat janë dërguar për tretman mjekësor dhe sipas mjekëve janë jashtë rrezikut për jetë. I dyshuari me vendim të prokurorit është dërguar në mbajtje.
“Është arrestuar i dyshuari kosovar për shkak se kishte sulmuar me mjet të mprehtë viktimat, një mashkull dhe një femër kosovar (burrë e grua) duke ju shkaktuar lëndime trupore. Sipas dëshmitarëve i dyshuari vuan nga probleme mendore. Viktimat janë dërguar për tretman mjekësor dhe sipas mjekëve janë jashtë rrezikut për jetë. I dyshuari me vendim të prokurorit është dërguar në mbajtje”, raporton policia.
