Një aksident i rëndë trafiku ka ndodhur edhe sot në rrugën nacionale Prishtinë – Pejë, saktësisht në fshatin Vragoli, ku si pasojë kanë mbetur të lënduar një numër i madh i personave, raporton Gazeta Sinjali.
Zëdhënësi i Policisë së Kosovës, Bajram Krasniqi, ka bërë me dije se kanë pësuar lëndime 30 persona, teksa në vendngjarje po qëndrojnë të gjitha njësitë relevante.
“Në ora 15:50, policia është njoftuar për një aksident trafiku të ndodhur në rrugën nacionale Prishtinë-Pejë (fshati Vragoli). Në aksident është përfshirë një autobus me targa të huaja, një kamion me targa vendore dhe një veturë po ashtu me targa vendore. Njësitet përkatëse policore kanë dalë në vend-ngjarje. Si pasojë e aksidentit 30 persona që kanë pësuar lëndime”, ka thënë Krasniqi./sinjali
