Kompania Rajonale e Ujësjellësit “Prishtina”, ka paralajmëruar konsumatorët e Fushë-Kosovës, se shërbimin e ujit të pijshëm mund ta marrin përmes autoboteve.
Kjo ka ardhur pasi që, siç njofton KRU “Prishtina”, e ka pasur të pamundur të bëjë furnizimin e rregullt te tё gjithë konsumatorët, pas situatës me turbullirë në kanalin e Ibër Lepencit.
“Sot, njё autobot e kemi pozicionuar nё Rrugën “Arbёria” te lagjja Eliza, autobot ky i cili do të qëndrojë aty deri nё ora 13:00, pastaj do tё kalojë te kompleksi Ulpiana nё rrugën” Dardania” në Fushë-Kosovë’, thuhet në njoftimin e KRU “Prishtina”, në Facebook.
Gjithashtu, ata kanë njoftuar se, autobotët do të lëvizin në të gjitha zonat e Fushë-Kosovës, me qëllim mbulimin e tërë qytezës me ujë të pijshëm.
