Sekretari i Përgjithshëm i OKB-së, Antonio Guterres, falënderoi Türkiye-n për rolin e saj në shkëmbimin e robërve të luftës midis Ukrainës dhe Rusisë, transmeton Anadolu Agency (AA).
“Falënderoj qeveritë e Türkiye-s dhe Arabisë Saudite për rolin e tyre në sigurimin e kësaj marrëveshjeje”, tha Guterres në takimin e Këshillit të Sigurimit të OKB-së për Ukrainën.
“Lajmi i djeshëm se më shumë se 250 robër lufte u shkëmbyen midis Ukrainës dhe Federatës Ruse ishte një zhvillim i mirëpritur”, shtoi ai.
“Unë përgëzoj përpjekjet e atyre palëve. Shpresoj se kësaj do t’i shtojmë shkëmbime të mëtejshme duke synuar një formulë ‘të gjithë për të gjithë’”, tha ai.
Shkëmbimi i të burgosurve midis Rusisë dhe Ukrainës u bë të mërkurën pas ndërmjetësimit dhe përpjekjeve diplomatike të Türkiye-s me krerët e të dy vendeve.
Më herët, presidenti ukrainas Volodymyr Zelenskyy falënderoi presidentin Recep Tayyip Erdoğan “për rolin e tij udhëheqës në çlirimin e popullit tonë”.
