Të afërmit e Hala Khreis, një gruaje palestineze e vrarë nga një snajper izraelit në Gazën veriore, thonë se ushtari e qëlloi atë qëllimisht dhe me “gjakftohtësi” edhe pse ajo mbante dorën e nipit të saj të vogël, i cili tundte një flamur të bardhë dhe po ecte në një rrugë evakuimi e cila ishte shpallur e sigurt.
Khreis ishte në ballë të një grupi civilësh palestinezë të cilët ishin urdhëruar të largoheshin nga shtëpitë e tyre nga forcat izraelite.
Atyre u tha nga Komiteti Ndërkombëtar i Kryqit të Kuq se rruga do të ishte e sigurt dhe se ajo ishte “pastruar” nga ushtria izraelite. /mesazhi
