TikTok po prezanton disa ndryshime në mesazhet direkte, duke përfshirë bisedat në grup të shumëkërkuara. Kompania ByteDance thekson se bisedat në grup nuk janë ende të disponueshme për të gjithë përdoruesit në mbarë botën, por ata që e kanë këtë funksion mund të shkëmbejnë mesazhe në grupe deri në 32 persona.
Një bisedë në grup mund të fillohet në disa mënyra. Përdoruesi në kutinë hyrëse mund të prekë butonin Chat që ndodhet në krye të ekranit ose emrin në listën e mesazheve dhe më pas butonin, “Më shumë opsione”. Pas kësaj, është e nevojshme të zgjidhni miqtë që përdoruesi dëshiron dhe në fund të zgjidhni opsionin Start group chat.
Një mënyrë tjetër për të krijuar një bisedë në grup është të ndani një postim me shumë njerëz. Kur përdoruesi dëshiron të flasë për një video me më shumë se një person, ai duhet të shtyp butonin Share dhe më pas të zgjedhë opsionin Krijo bisedën në grup. Më pas duhet të zgjidhni miqtë të cilëve dëshironi t’u dërgoni videon, t’i shtoni një mesazh nëse dëshironi dhe më pas të filloni një bisedë për përmbajtjen e dërguar.
