Përzgjedhësja e Kombëtares së Kosovës, vajzat U17, Sanije Krasniqi, ka publikuar listën e Dardaneve të cilat janë përzgjedhur për dy ndeshjet miqësore ndaj Malit të Zi.
Dardanet e reja do t’i zhvillojnë të dyja ndeshjet në Kampin Nacional të FFK-së në Hajvali.
Përzgjedhësja Krasniqi për këtë grumbullim ku do të zhvillohen dy ndeshjet miqësore ka ftuar 23 futbolliste.
Në portë janë ftuar dy portiere si Anita Krasniqi dhe Altuna Hyseni.
Ndërkohë në repartin defensivë Krasniqi ka ftuar tetë futbolliste, derisa 13 të tjera janë në repartin e mesfushës dhe të sulmit.
Kosova do të përballet me Malin e Zi më 21 gusht me fillim nga ora 17:00 dhe më 23 gusht me fillim nga ora 10:30.
