Ministri i Punëve të Jashtme të Egjiptit, Sameh Shoukry u takua me homologun e tij grek, Nikos Dendias i cili ndodhet në Kajro në kuadër të një vizite zyrtare, transmeton Anadolu Agency (AA).
Në takimin e zhvilluar në ndërtesën e Ministrisë së Jashtme në Kajro, janë diskutuar zhvillimet e fundit në Lindjen e Mesme dhe Libi si dhe rrugët për të zhvilluar bashkëpunimin në fusha të ndryshme, kryesisht për energjinë e rinovueshme.
Shoukry dhe Dendias pas takimit mbajtën një konferencë të përbashkët për media.
Ministri egjiptian, Shoukry deklaroi se “Marrëdhëniet tona me Greqinë janë bërë strategjike me të gjithë forcën dhe solidarizimin mes dy vendeve. Në takim diskutuam rrugët për të zhvilluar bashkëpunimin në fusha të ndryshme, kryesisht për energjinë dhe sigurinë”.
Duke folur për çështjen e Libisë, Shoukry tha se me homologun e tij grek kanë rënë dakord që në Libi të mbahen zgjedhjet në kohën më të shpejtë.
Gjithashtu edhe ministri grek, Dendias foli për rëndësinë e zhvillimit të zgjedhjeve në Libi dhe tha se Egjipti është më shumë se një vend mik strategjik për ta.
Dendias mbërriti sot në Egjipt në kuadër të takimeve zyrtare.
