“Nuk po mundem me i bë ballë, i kërkoj falje viktimës dhe familjes”-këto janë fjalët e babait të njërës nga vajzat që dhunuan të miturën në Gjilan.
Njëri nga prindërit e vajzave që kanë rrahur brutalisht të miturën në Gjilan është deklaruar publikisht për ngjarjen tronditëse.
Ai në një deklaratë ka theksuar se as ai nuk po mundet me i bë ballë atyre pamjeve, duke i kërkuar falje viktimës dhe familjes së saj.
“Nuk po mundem me i bë ballë. I kërkoj falje vik;timës dhe familjes – e di që s’e pranojnë”, ka rrëfyer mes tjerash babai i njërës nga vajzat i cili nuk ka dashur të identifikohet.
Një ngjarje tejet e rëndë është shënuar ditë më parë në komunën e Gjilanit, e cila protagoniste kishte disa të mitura, e si bazë dhunën brutale, si fizike, ashtu edhe psikike ndaj moshatarës së tyre.
Ndonëse motivet janë krejtësisht të paqarta, e qartë dhe i dokumentuar është brutaliteti i cili është përdorur nga të lartëcekurat kundrejt viktimës.
Nga ndërgjegja dhe shqetësimi i madh për viktimën e rastit, njëri nga prindërit e njërës vajzë të përfshirë në rast, e cila ishte krah sulmit, ka vendosur t’i thotë disa fjalë.
Në nje prononcim, i njëjti, i cili për shkak të rastit ka zgjedhur të mbetët anonim, ka shprehur befasinë e tij se si vajza e tij, e cila sipas tij asnjëherë nuk ka shfaqur sjellje të ngjashme, madje ka qenë shembullore në shkollë, del të jetë e përfshirë në këtë ngjarje.
Ai para kamerës tha se tërë jetën e tij është munduar t’i mbajë fëmijët nën kontroll, teksa shton se shumë herë ka zgjedhur edhe t’iu bëhet shok.
Megjithatë, veprimet e vajzës së tij e kanë lënë të befasuar, për të cilën thotë se ka ka shprehur pendimin e saj për veprimet e kryera.
