Nenad Rashiq ka konfirmuar se do të vetëkandidohet për nënkryetar të Kuvendit të Kosovës nga komuniteti serb.
Gjatë seancës konstituive të se martës Rashiq ishte hedhur në votim me short, por nuk arriti t’i merrte votat e mjaftueshme për t’u zgjedhur.
Kryeparlamentari i sapozgjedhur i hodhi në votim Rashiqin dhe kandidatë të tjerë përmes shortit, për shkak të refuzimit të Listës Serbe për të zëvendësuar kandidatin Sllavko Simiq.
Rashiq është kryetar i partisë serbe Për Liri, Drejtësi dhe Mbijetesë dhe njëri i afërt me kreun e Lëvizjes Vetëvendosjes dhe kryeministrin në detyrë, Albin Kurti.
E ngarkuara me punë në ambasadën e Shteteve të Bashkuara të Amerikës në Kosovë, Anu Prattipati, është parë teksa hyn në objektin e Kuvendit të Kosovës, pak para vazhdimit të seancës konstituive të parlamentit.
Për këtë, raportohet se ajo do të zhvillojë një takim me presidenten Vjosa Osmani.
Takimin me Osmanin, Prattipati është duke e zhvilluar para vazhdimit të seancës konstituive, proces i cili s’është përfunduar pasi që ende s’është zgjedhur nënkryetari i parlamentit nga radhët e komunitetit jo shumicë serb.
