Presidentja e Kosovës, Vjosa Osmani, ka pritur sot në takim Ministren e Jashtme të Finlandës, Elina Valtonen, e cila aktualisht kryeson OSBE-në.
Në këtë takim, Osmani e falënderoi Valtonen për mbështetjen e vazhdueshme të Finlandës ndaj Kosovës, duke vlerësuar kontributin e saj në çdo etapë të zhvillimeve të vendit dhe për aspiratat euroatlantike të Kosovës.
Gjatë bisedimeve, u diskutuan zhvillimet e fundit në vend, roli historik dhe aktual i OSBE-së në Kosovë, si dhe prioritetet që organizata ka për periudhën e ardhshme.
Presidentja Osmani theksoi rëndësinë e partneriteteve ndërkombëtare për avancimin e stabilitetit dhe integrimit të vendit në strukturat euroatlantike.
