Presidentja e Kosovës, Vjosa Osmani, është takuar me Përfaqësuesen e Lartë të Bashkimit Evropian, Kaja Kallas, gjatë punimeve të Asamblesë së Përgjithshme të OKB-së në New York.
Në këtë takim, Osmani ritheksoi se integrimi i Kosovës në BE është prioritet shtetëror, duke kërkuar heqjen e masave të vendosura nga Bashkimi Evropian ndaj Kosovës.
“Masat e padrejta të BE-së po i dëmtojnë të gjithë qytetarët tanë, pa përjashtim”, shkroi Osmani, duke shtuar se Kosova mbetet e përkushtuar për paqe dhe stabilitet afatgjatë.
Gjatë vizitës në New York, presidentja Osmani njoftoi se u takua edhe me sekretarin amerikan të Shtetit, Marco Rubio.
Kosova gjendet nën masat ndëshkuese të BE-së tash e më shumë se dy vjet, si pasojë e trazirave të majit 2023 në veri të vendit.
