Kryeministri në detyrë, Albin Kurti, ka marrë pjesë në përurimin e çerdhes së re në fshatin Godanc të Shtimes.
Kurti para mediave deklaroi se në mandatin e ardhshëm do të mbështesin edhe gjyshërit që kujdesen për nipërit dhe mbesat, transmeton Telegrafi.“Në mandatin e ardhshëm përveç që do të ndërtojmë çerdhe dhe do të përmirësojmë mirëqenien e familjes. Do të japim mbështetje edhe për gjyshërit që kujdesen për nipërit dhe mbesat, 100 euro mbi pensionin bazë që ata e marrin”, deklaroi Kurti.
Ndryshe, 72 familje në fshatin Godanc të komunës së Shtimes tashmë do të mund t’i dërgojnë fëmijët e tyre në çerdhen e re publike të fshatit. /Telegrafi/
