Ambasada e Shteteve të Bashkuara të Amerikës në Kosovë ka kërkuar nga Kosova që të fillojnë themelimin e Asociacionit të Komunave Serbe.
Në një përgjigje ekskluzivisht për Indeksonline thonë se themelimi i tij është ligjor për Kosovën.
“Kjo gjithashtu nënkupton fillimin e menjëhershëm të negociatave për themelimin e Asociacionit të Komunave me Shumicë Serbe. Kuvendi i Kosovës ka ratifikuar Marrëveshjen e Brukselit dhe Gjykata Kushtetuese e Kosovës ka vendosur që Asociacioni duhet të krijohet, gjë që e bën themelimin e tij obligim ligjor për Kosovën. Dështimi i vazhdueshëm i Kosovës për të zbatuar këtë obligim cenon parimin e sundimit të ligjit dhe dëmton reputacionin dhe kredibilitetin e Kosovës“.
