Lista Serbe ka bërë të ditur të martën se nuk do të marrë pjesë në zgjedhjet lokale që do të zhvillohen në katër komunat veriore, Mitrovica e Veriut, Zubin Potok, Leposaviq dhe Zveçan.
“Marrë parasysh vendimin e Prishtinës për mbajtjen e zgjedhjeve të jashtëzakonshme lokale në veri të Kosovës, duam të informojmë publikun se Lista Serbe nuk do të marrë pjesë në këto zgjedhje, e as qytetarët që e përkrahin partinë tonë, nga të cilët mbi 95% janë në këto zona”, thuhet në njoftim.
Zgjedhjet e jashtëzakonshme në këto komuna pritet të mbahen më 18 dhjetor.
Presidentja e Kosovës, Vjosa Osmani, ka caktuar 18 dhjetorin si datë për zgjedhje të jashtëzakonshme për kryetarë të katër komunave veriore të Kosovës.
Të katër komunat veriore kanë mbetur pa kryetarë, pasi zyrtarët e Listës Serbe, më 5 nëntor dhanë dorëheqjen nga institucionet e Kosovës
Vendimi u mori pas takimit në Zveçan i thirrur nga kreu i Listës Serbe Goran Rakiq me përfaqëuses të serbëve të cilët punojnë në institucionet e Republikës së Kosovës.
Ky vendim erdhi si shenjë revolte ndaj vendimit të Qeverisë së Kosovës për riregjistrimin e automjeteve në targa RKS dhe për suspendimin e drejtorit rajonal të Policisë në veri, Nenad Gjuriq.
