Bordi i Transparencës në Shqipëri ka publikuar sot çmimet e reja të karburanteve, ku nafta është ulur me 4 lekë dhe do të shitet në treg me 214 lekë [1.81 euro] për litër.
Ndërsa çmimi i benzinës është ulur me 5 lekë dhe do të shitet 195 lekë [165 euro] për litër.
Ndërsa çmimi i gazit mbetet i pandryshuar me 71 lekë [0.60 euro] për litër.
Çmimet e caktuara nga Bordi do të hynë në fuqi në datë 22 Nëntor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. /Telegrafi/
