Emisari i Bashkimit Evropian për dialogun Kosovë-Serbi, Miroslav Lajçak, po qëndron në Kosovë
Kryeministri i vendit, Albin Kurti, ka pritur Lajçakun në takim në ora 09:00, njofton Klankosova.tv.
Lajçak dje qëndroi në Serbi ku u takua me presidentin serb, Aleksandër Vuçiq, ku diskutoi për disa çështje.
“Në Beograd sot, diskutova rrugën përpara për normalizimin e marrëdhënieve si vazhdim i takimeve të fundit të Dialogut me presidentin serb, Aleksandar Vuçiq. Ne folëm edhe për çështjet aktuale, duke përfshirë kthimin e serbëve të Kosovës në institucionet e Kosovës, Udhërrëfyesin e Energjisë dhe personat e zhdukur” shkroi Lajçak në Twitter.
Mes tjerash, Lajçak ditë më parë pati thënë se gjatë këtyre takimeve sipas tij temë diskutimi do të jetë edhe hapat e ardhshëm për normalizim të marrëdhënieve sipas planit franko-gjerman.
