Kryetari i Nismës Socialdemokrate, Fatmir Limaj, ka bërë të ditur se është takuar me ish-komandatët dhe ish-pjesëtarët e Ushtrisë Çlirimtare të Kosovës që janë në paraburgim në Hagë.
Ai, me anë të një videoje në rrjetin social Facebook, ka deklaruar se nuk është takuar vetëm më Hysni Gucatin.
“Sapo përfunduam vizitën tek bashkëluftëtarët e tanë në Hagë. I vizituam pothuajse të gjithë përveç Hysni Gucatit, ishte një emocion i papërshkruar”.
“Presim të fillojë procesi gjyqësor të zbërthehet e vërteta, që të konfirmohet një herë e mirë për të kaluarën tonë dhe për luftën çlirimtare që e solli lirinë”,ka thënë Limaj, njofton Klankosova.tv .
