Kryeministri i vendit, Albin Kurti ka zhvilluar një bisedë telefonike me ministrin e Jashtëm të Greqisë, Nikos Dendias.
Dendias në një postim në Twitter shkruan se me kryeministrin Kurti kanë biseduar për zhvillimet e fundit në veri të Kosovës dhe në dialogun Beograd-Prishtinë.
“Kam folur sot në telefon me kryeministrin e Kosovës, Albin Kurti. Diskutimi u fokusua në zhvillimet e fundit në veri të Kosovës dhe në dialogun Beograd-Prishtinë”, shkruan Dendias.
Në përpjekje për intensifikimin e dialogut Kosovë-Serbi gjatë këtyre dy javëve të para të këtij viti për vizitë në vendin tonë ishte këshilltari i lartë amerikan, Derek Chollet dhe i dërguari i Britanisë së Madhe për Ballkanin, Stuart Peach. /Telegrafi/
