Barcelona e ka thellur në 11 pikë diferencën me vendin e dytë në kampionat që mbahet nga Reali i Madridit. Katalanasit triumfuan në ndeshjen e javës së 21 ndaj Vijarealit, duke regjistruar fitoren e 18 në La Liga.
Goli i Pedrit i mjaftoi katalanasve që të merrnin 3 pikët e radhës, teksa nuk humbasin në kampionat që prej El Klasikos së zhvilluar në 16 tetor 2022.
Fitore regjistroi dhe Atletiko e Madridit e cila mposhti minimalisht Selta Vigon. Goli i vetëm i përballjes u shënua nga holandezi Memfis Depai që gjen goli ne parë me skuadrën madrilène. Me këtë fitore Atletiko renditet në vendin e katërt, që përkthehet me zonën Champions.
Reali i Madridit qëndron në vendin e dytë në tabelë, teksa ka zhvilluar një ndeshje më pak, për shkak të angazhimit në botërorin e klubeve, aty ku triumfoi për herë të pestë në histori.
Ndeshja e radhës në Spanjë për të besuarit e Karlo Ancelottit është ajo ndaj Elches, e cila luhet të mërkurën. Në 5 përballjet e fundit Reali ka lënë 8 pikë, ku ka vetëm 2 fitore. Në përballjen e fundit u mposht nga Majorka 1-0.
