Arabia Saudite do të shënojë “Ditën e Flamurit” çdo vit më 11 mars, njoftoi të mërkurën Agjencia zyrtare e Shtypit Saudite (SPA).
Vendimi u mor me një urdhër mbretëror të lëshuar nga mbreti Salman bin Abdulaziz.
Më 11 mars 1937, që korrespondon me 27 Dhu al-Hixheh 1355 Hixhri, shënoi ditën kur ish-mbreti saudit Abdulaziz Al Saud autorizoi flamurin si një përfaqësim të Mbretërisë.
Flamuri nënkupton fenë islame, drejtësinë, forcën, zhvillimin dhe prosperitetin. Flamuri jeshil përmban një mbishkrim në gjuhën arabe dhe një shpatë në të bardhë.
Mbishkrimi është dëshmia e besimit musliman që përkthehet në: “Nuk ka zot tjetër përveç Zotit; Muhamedi është i Dërguari i Zotit.”
Vitin e kaluar, një tjetër dekret mbretëror vendosi Ditën e Themelimit, e cila festohet në mbarë vendin me një festë publike dhe festa vjetore. Historia e Ditës së Themelimit shkon prapa në tre shekuj më parë kur shteti i parë saudit u themelua në 1727 gjatë udhëheqjes së Imam Muhamed bin Saudit. /mesazhi
