Liverpool pësoi një disfatë zhgënjyese ndaj Bournemouth në transfertë me rezultatin 1-0.
Të kuqtë nuk mundën t’i jepnin vazhdimësi fitores 7-0 ndaj Manchester United duke lënë sërish hije dyshime nëse do të mund të mbërrijnë në vendin e katërt në fundin e sezonit.
Pas ndeshjes me Bournemouth, trajneri Jurgen Klopp u shfaq i zhgënjyer nga skuadra ndërsa mbi penalltinë e humbur të Salah preferoi të mos komentonte gjatë.
“Ishte një ndeshje zhgënjyese nga ana jonë, nuk ishim kurrë në ndeshje. Ishim dominues në pjesën e parë por gabuam thuajse gjithmonë në momentet kyçe. Nuk arrinim të bënim zgjedhjen e duhur në fushë.
Bournemouth ishte një kundërshtar shumë kompakt dhe që ia doli të krijonte rrezikshmëri me anë të kundërsulmeve, ashtu siç edhe e kishin ndërtuar këtë ndeshje. Penalltia e Salah? Salah ka shënuar një thes me gola, por gaboi një penallti.
Është diçka që ndodh në futboll, kjo është jeta. Është e qartë se Bournemouth po luftonte për mbijetesë, ishin të motivuar. Janë padyshim një klub dhe një qytet i mrekullueshëm”, u shpreh Klopp.
