Kryeministri i Kosovës, Albin Kurti, ka ndërprerë fjalimin e tij gjatë vënies së gurthemelit të Shkollës Fillore të Mesme të Ulët “Fan S. Noli”, Kamenicë.
Kështu ka raportuar “Klan Kosova”, ku thuhet se derisa Kurti po bënte prezantimin e projektit, filloi ezani në një xhami dhe papritmas Kurti ndërpreu fjalimin e tij derisa të përfundojë ezani.
Ndryshe, nuk është hera e parë që Kurti dhe vartës të tjerë praktikojnë ndërprerjen e fjalimit gjatë momentit kur thirret ezani.
Mirëpo ka qenë reagimi i menjëhershëm nga shoqëria muslimane duke i bërë thirrje kryeministrit për ta ndryshuar Udhëzimin Administrativ që ndalon bartjen e shamisë në shkolla.
“Për me tregu qe e respekton islamin, duhet mos me dergu Kodin Civil dhe ligjet qe bien ndesh me islamin dhe traditat tona, me shfuqizu #udhëzimin administrativ qe ndalon bartjen e shamisë në shkolla dhe qe shamia mos me qenë pengesë për punësim.
Pjesa tjetër është marketing politik qe veq ndonjë militant mundet me hanger, por jo edhe njerëzit racional”, ka shkruar Ali Sefaj përfaqësues i Sindikatës së Shërbyesve Civilë./rti
