Presidenti kinez Xi Jinping, gjatë një takimi me kryeministrin spanjoll Pedro Sanchez, ka propozuar që BE-ja dhe Pekini të punojnë së bashku për t’i rezistuar Donald Trump-it derisa ky i fundit po zhvillon një luftë tregtare globale.
Presidenti kinez më tej shton se Kina dhe BE-ja duhet të përmbushin përgjegjësitë e tyre ndërkombëtare, të mbrojnë së bashku trendin e globalizimit ekonomik dhe një mjedis të drejtë të tregtisë ndërkombëtare, si dhe së bashku t’i rezistojnë praktikave të njëanshme dhe frikësuese, ku për një gjë të tillë u dakorduan gjatë takimit që realizuan dy liderët në kryeqytetin kinez.
Uashingtoni dhe Pekini janë përfshirë në një përshkallëzim të tarifave, që e pa Kinën të premten në mëngjes duke rritur taksat mbi importet amerikane në 125%, në përgjigje të tarifave gjithnjë e në rritje të SHBA-së.
Sánchez këmbënguli se politika e jashtme e Spanjës nuk shkon kundër askujt, duke shtuar se vendi i tij ishte i vendosur të luante një rol aktiv në nxitjen e marrëdhënieve përfituese reciproke transatlantike. Por, ishte e lehtë të shihej mbrojtja e tij e përsëritur për loj të ndershme në tregtinë ndërkombëtare si një kritikë ndaj masave të fundit ndëshkuese tregtare të Trump.
Dilema e BE-së
Udhëtimi i Sanchez thekson ndarjet brenda BE-së mbi mënyrën se si të reagohet ndaj regjimit agresiv të tarifave të Presidentit të SHBA-së, Donald Trump.
Disa nga liderët e bllokut mbrojnë largimin nga SHBA-ja dhe krijimin e lidhjeve më të ngushta me partnerë të ndryshëm globalë, por të tjerë argumentojnë se blloku është më mirë të qëndrojë ngushtë me Uashingtonin.
Kryeministrja italiane Giorgia Meloni, e cila këmbëngul se Evropa duhet të mbajë një qasje pragmatike, konstruktive dhe të hapur ndaj Shtëpisë së Bardhë, është planifikuar të udhëtojë në Zyrën Ovale javën e ardhshme për të provuar vlerën e saj si një “pëshpëritëse e Trumpit”.
Kryeministri i Spanjës tha se ai kishte folur me Presidenten e Komisionit Evropian, Ursula von der Leyen dhe komisionerin e tregtisë së BE-së, Maroš Šefčovič përpara vizitës. Udhëheqësit e BE-së po planifikojnë të takohen me Xi në Kinë në korrik të këtij viti.
Samiti i fundit i këtij lloji u mbajt në Pekin në vitin 2023 dhe protokolli normalisht do të kërkonte që edicioni i ardhshëm të zhvillohej në Bruksel. Gatishmëria e BE-së për të pasur Kinën si mikpritëse edhe një herë sugjeron se liderët e Evropës janë të prirur për të kënaqur Xi-në dhe për të përdorur samitin – që përkon me 50 vjetorin e vendosjes së marrëdhënieve BE-Kinë, për të krijuar lidhje më të forta me superfuqinë aziatike.
Në Pekin, Xi mbrojti marrëdhëniet e ngushta me Spanjën, të cilat ai tha se ishin gjithnjë e më të rëndësishme sa më e trazuar dhe e paqëndrueshme të bëhet situata ndërkombëtare. Sipas Sanchez, të dy udhëheqësit folën gjatë për bashkëpunimin global dhe vendosmërinë e BE-së për të siguruar një paqe të drejtë në Ukrainë.
