Alarmi global për linë e majmunit, aeroportet, kufijtë dhe spitalet në gatishmëri! Shpërthimi i virusit shumë infektiv
Ministria e Shëndetësisë e Unionit ka lëshuar udhëzime të veçanta për të gjithë aeroportet dhe zyrtarët e kufirit tokësor që të mbajnë vigjilencë për të gjithë mbërritjet. Udhëzimet e ministrisë thonë se të gjithë pasagjerët në hyrje që shfaqin simptoma të mundshme të sëmundjes Mpox (apo e njohur si Lija e majmunit) duhet të izolohen.
Të martën, duke marrë parasysh situatën, Instituti i Shkencave Mjekësore të Gjithë Indisë lëshoi një protokoll të ri gjithëpërfshirës për trajtimin e pacientëve me simptoma të dyshuara të virusit të lisë së majmunit.
Në një deklaratë të fundit, Organizata Botërore e Shëndetësisë (OBSH) ka mohuar kategorikisht se Mpox, i njohur gjithashtu si lija e majmuni, është “COVID i ri”. Ndërsa të dyja sëmundjet shkaktohen nga viruset, ato ndryshojnë ndjeshëm në transmetimin e tyre, ashpërsinë dhe potencialin për ndikim të gjerë global. “Ashpërsia e Mpox është përgjithësisht më e butë se COVID-19. Ndërsa të dyja sëmundjet mund të shkaktojnë sëmundje të rënda dhe madje edhe vdekje në disa raste, shkalla e përgjithshme e vdekshmërisë për Mpox është dukshëm më e ulët”.
Ministria e Shëndetësisë së bashku me Institutin Kombëtar të Shëndetësisë Publike të Kosovës [IKSHPK] ka bërë apel për kujdes ndaj qytetarëve për përhapjen e lijes së majmunit ose MPOX.
Kjo thirrje është bërë pasi që Organizata Botërore e Shëndetësisë [OBSH] ka shpallur emergjencë globale MPOX e njohur më parë si “Lija e Majmunit” për herë të dytë brenda dy viteve të fundit.
Në njoftimin e IKSHPK-së thuhet se OBSH-ja ka marrë këtë vendim pasi ky virus është përhapur në Republikën Demokratike të Kongos, si dhe në vendet fqinje, sikurse në Burundi, Kenia, Ruandë dhe Ugandë.
Qendra për Parandalimin dhe Kontrollin e Sëmundjeve në Afrikë ka thënë se vetëm këtë vit kontinenti i ka regjistruar 17.000 raste të infektimit të mpox dhe 517 vdekje.
E, Ministria e Shëndetësisë [MSH] dhe Instituti Kombëtar I Shëndetësisë Publike të Kosovës [IKSHPK] ka njoftuar vendin se po përcillen me vëmendje epidemologjia e MPOX.
Sipas tyre, në vendin tone nuk ka asnjë rast të dyshimtë por sa i përket MPOX duhet të ketë kujdes dhe jo për panik.
“Në Republikën e Kosovës, nuk është raportuar asnjë rast i dyshimtë, sa i përket mpox dhe se nuk ka vend për panik, por për kujdes. Jemi në komunikim të vazhdueshëm me OBSH-në dhe ECDC-në, për vlerësimin e rrezikshmërisë dhe rekomandimeve për masat që duhet ndërmarrë për sëmundjen në fjalë. Në laboratorët e IKShPK-së janë në dispozicion reagensët për testimin e rasteve të dyshimta”, vijon njoftimi.
