23/07/2024

Aleanca për Shqiptarët ka kapacitet për të qenë pjesë e frontit evropian

të fundit...

- Advertisement -spot_img

Besoj se ka hapësirë të mjaftueshme për organizimin e zgjedhjeve në maj, në mandatin e tyre të rregullt dhe për qëndrimet përfundimtare të partive politike do të informojmë kur të arrihet një konsensus më i gjerë brenda Kuvendit, tha sot kryeministri Dimitar Kovaçevski. Aktualisht, informoi Kovaçevski, janë duke vazhduar bisedimet për finalizimin e Kodit Zgjedhor dhe përfshirjen në të të gjitha vëzhgimet e OSBE/ODIHR-it. Tashmë është finalizuar në masën më të madhe dhe shumë shpejt, tha ai, do të jetë në seancë qeveritare, si dhe në seancë në Kuvend, gjatë së cilës do të merret një zgjidhje ligjore plotësisht e harmonizuar.

“Në këtë periudhë dhe në periudhën që kemi përpara, deri në zyrtarizimin e periudhës kur do të mbahen zgjedhjet, do të ketë shumë informacione interesante si për qytetarët ashtu edhe për mediat. Disa prej tyre do të jenë të sakta, por shumica prej tyre nuk do të jenë të sakta. Ne kemi një marrëveshje të qartë koalicioni me BDI-në të publikuar në vitin 2020, sigurisht që po diskutohen modalitetet me ta, por qëllimi për të arritur një koalicion evropian që do të udhëheqë një front të gjerë është gjëja kryesore që do t’i bashkojë partitë në zgjedhjet e ardhshme”, ka deklaruar Kovaçevski, raporton SHENJA.

Kovaçevski tha se me rastin e formimit të koalicioneve është thelbësore të ndajmë vlerat e përbashkëta që i referohen para së gjithash vizionit të një shoqërie moderne dhe një shteti modern. Ai theksoi se edhe Aleanca për shqiptarët ka kapacitet për të diskutuar tema të tilla.

“Nuk është çështje bindjeje, por kur bëhen koalicione, është thelbësore të ndajmë vlera të përbashkëta që lidhen kryesisht me vizionin e një shoqërie moderne dhe një shteti modern me prosperitet ekonomik, drejtësi sociale dhe demokraci në nivelin më të lartë, liria e medias, qeverisja e ligjit është avancuar shumë më tepër se sa është sot dhe koalicionet do të ndërtohen mbi ato themele. Besoj se Aleanca ka kapacitete për të diskutuar tema të tilla dhe mendoj se mbi këtë bazë mund të diskutohet për koalicionet e ardhshme dhe performancat në zgjedhje, por le t’i lëmë diskutimet dhe organet zyrtare të partisë të marrin vendime në këtë drejtim”, ka shtuar Kovaçevski.

Partitë në pushtet, nënvizoi kryeministri, kanë një marrëveshje të qartë koalicioni. /SHENJA/

- Advertisement -spot_img

Me te lexuarat...

- Advertisement -spot_img

Lajmet tjera...