18/06/2024

Arabia Saudite fillon bisedimet me Sirinë për të rifilluar shërbimet konsullore

të fundit...

- Advertisement -spot_img

Ministria e Punëve të Jashtme e Arabisë Saudite ka bërë të ditur se bisedimet me Sirinë janë duke u zhvilluar për të rifilluar shërbimet konsullore në të dy vendet, transmeton Anadolu.

“Në kuadër të dëshirës së Mbretërisë për të ofruar shërbimet e nevojshme konsullore për të dy popujt, po zhvillohen diskutime midis zyrtarëve të Mbretërisë dhe homologëve të tyre në Siri rreth rifillimit të ofrimit të shërbimeve konsullore”, raportoi kanali televiziv shtetëror ‘Al-Ekhbariya’ duke cituar një burim nga Ministria e Punëve të Jashtme e Arabisë Saudite.

Arabia Saudite tërhoqi ambasadorin e saj nga Damasku në vitin 2011 dhe ndërpreu marrëdhëniet e saj diplomatike me regjimin sirian, pas shtypjes së demonstratave paqësore popullore në Siri.

Më 8 mars, ministri saudit i Punëve të Jashtme, Faisal bin Farhan, tha se “ka një dialog për kthimin e Sirisë në përqafimin arab”, duke theksuar më tej se “ekziston një konsensus se situata në Siri nuk është e pranueshme”.

Sot më herët, raportet e mediave thanë se Arabia Saudite dhe Siria ranë dakord për rifillimin e marrëdhënieve. Të dyja palët ende nuk e kanë konfirmuar zyrtarisht lajmin e raportuar./mesazhi.com

- Advertisement -spot_img

Me te lexuarat...

- Advertisement -spot_img

Lajmet tjera...