Agjencia e Statistikave të Kosovës nuk është gati që procesin e regjistrimit të popullsisë ta nisë më 1 nëntor.
Ilir Berisha, ushtrues detyre i Kryeshefit të ASK-së, ka thënë se është angazhuar plotësisht për ta realizuar këtë projekt, por se ka mangësi.
Ndaj, në mbledhjen e Komisionit për Buxhet dhe Tranfereve të premten, ai ka bërë të ditur se ka dërguar kërkesë në Qeveri që procesi i regjistrimit të popullsisë të shtyhet deri në prill të vitit 2024.
“Sfidat janë mungesa e tabletave, mungesa e mbikëqyrësve të procesit dhe mostrajnimi i mbikëqyrësve”, ka thënë Berisha.
