Sekretari amerikan i shtetit, Anthony Blinken, tha se aleanca e NATO-s është e bashkuar, derisa shtoi e duhet mbështetje për të ardhmen euroatlantike të Ballkanit Perëndimor.
Përmes një cicërime të X, Blinken ka shkruar se këto diskutime i ka bërë gjatë takimit të ministrave të Jashtëm të vendeve anëtare të NATO-s i cili u mbajt të martën në Bruksel.
“Ne folëm për shumë tema në terren gjatë takimit të ministrave të Jashtëm – nga pritshmëritë tona në Samitin e Washingtonit vitin e ardhshëm, në mënyrat se si mund të thellojmë partneritetin tonë me Ukrainën, deri tek mënyra se si mund të ndihmojmë në mbështetjen e të ardhmes euroatlantike të Ballkanit Perëndimor”, shkroi ai në rrjetin social X.
