26 deputetë të opozitës janë përjashtuar për 10 ditë nga punimet e Kuvendit, pasi mëngjesin e të enjtes bllokuan punimet, duke kthyer përmbys karriget e ministrave.
Vendimi u mor nga Komisioni i etikës, pas kërkesës së grupit parlamentar socialist.
Nga Foltorja e Kuvendit, në një seanca jo të zakonshme, Sali Berisha njoftoi se opozita ka nisur aksionin e saj opozitar. Qëllimi, sipas tij është rikthimi i parlamentit në “shinat e Kushtetutës dhe ligjit”.
Ish-kryeministri, zgjodhi të transmetonte “live” në Facebook fjalën e tij nga foltorja e Kuvendit, duke akuzuar Parlamentin se ka asgjësuar opozitën. /Telegrafi/
