25/06/2024

Dikur tha se nuk donte ta bëjë jetën e tij, tash Mane është shumë afër që t’i bashkohet Ronaldos në Arabinë Saudite

të fundit...

- Advertisement -spot_img

Sulmuesi i Bayern Munichut, Sadio Mane, është bisedime me klubin saudit, Al-Nassr dhe synon transferimin në Arabinë Saudite

Sulmuesi senegalez në verën e kaluar u largua nga Liverpooli për të ndjekur në karrierë në Allianz Arena, mirëpo gjërat nuk shkuan sipas planit.

Sipas një njoftimi nga The Athletic, 31-vjeçari është në bisedime për ta vazhduar karrierën në Saudi Pro League, ku janë duke shkuar yje të shumta të futbollit botëror, prej se Cristiano Ronaldo “e hapi derën” drejt ndryshimit të madh në futbollin e Arabisë Saudite.

Pas lajmit se Mane mund t’i bashkohet portugezit te Al Nassr, në mediat sportive është rikthyer një deklaratë e tij në lidhje me superyllin e futbollit.

“Nuk dua të lë përshtypjen e të qenit një predikues. Por, është e vërtetë se në futboll qarkullojnë disa vlera që më shqetësojnë pak duke u bazuar në edukimin tim”.

“Mirëpo, në vend se të kritikoj me zë të lartë, ndonjëherë preferoj të distancohem pak. Gjëja kryesore është të mos ndryshojmë dhe nuk mendoj se kam ndryshuar. Ndërsa, për një djalë që vjen nga një qytet i vogël në Casamance, tashmë është një fitore e madhe t’i rezistosh gjithë kësaj”, kishte thënë vite më parë Mane.

I pyetur nëse mund ta kopjojë stilin e jetës së Ronaldos dhe Neymarit, ai ishte përgjigjur: “Jo! Unë i ndjek ata në rrjetet sociale dhe kjo më mjafton. Më pëlqen jeta e tyre e jashtëzakonshme, por ajo jetë nuk është krijuar për mua”. /Telegrafi/

- Advertisement -spot_img

Me te lexuarat...

- Advertisement -spot_img

Lajmet tjera...