Në episodin më të fundit të emisionit DIVANI në RTI, u trajtua një temë me rëndësi të madhe për komunitetin e shurdhër.
Falë interpretimit të Berat Cakajt në gjuhën e shenjave, personat me dëgjim të kufizuar patën mundësinë të informohen më lehtë mbi dobitë dhe rregullat e agjërimit gjatë muajit të shenjtë të Ramazanit.
Përfshirja e komunitetit të shurdhër në diskutime të tilla është një hap i rëndësishëm drejt barazisë dhe qasjes së njëjtë në informacione të vlefshme për të gjithë. Duke sjellë përmbajtje të qasshme për ta, RTI dëshmon se informacioni duhet të jetë i hapur për të gjithë, pa dallim.
Pse është e rëndësishme kjo nismë?
Për shumë persona të shurdhër, mungesa e interpretimeve në gjuhën e shenjave i lë jashtë informacionit thelbësor mbi besimin, ritet dhe praktikat fetare. Kjo iniciativë jo vetëm që ndihmon në edukimin e tyre, por gjithashtu promovon përfshirjen dhe integrimin në jetën sociale dhe fetare. Lutemi që sa më shumë persona të kenë akses në këtë informacion të rëndësishëm!
