Kryetari i Aleancës për Ardhmërinë e Kosovës, Ramush Haradinaj, ka thënë se dialogun Kosovë-Serbi e përfundojnë Shtetet e Bashkuara të Amerikës.
Në Rubikon me Adriatik Kelmendin, ai ka deklaruar se dialogun nuk e përfundon kryeministri Albin Kurti.
“Dialogun e përfundon Amerika, ne nuk kemi nevojë hiç t’i biem rrotull kësaj pune, dialogun e përfundon Amerika. Ne e përfaqësojmë kauzën tonë në mënyrën më të mirë, siç kemi ditur ta përfaqësojmë në çdo kohë”.
“Por dialogun nuk e kryen Albin Kurti, nuk ka lidhje kryeministër ka lidhje në çfarë cilësie ose në cilën situatë kemi arritur ne si Kosovë, sa kemi mbërri ta ndërtojmë rastin tonë tek administrata e Shteteve të Bashkuara të Amerikës”, ka thënë Haradinaj.
