13/04/2024

Haxhiu kërkon dhe pret që të punohet më me seriozitet në parandalimin e kontrabandës në burgje

të fundit...

- Advertisement -spot_img

Ministrja e Drejtësisë, Albulena Haxhiu së bashku me drejtorin e Shërbimit Korrektues të Kosovës, Ismail Dibrani sot kanë mbajtur takimin e fundvitit, në të cilin kanë marrë pjesë drejtorët e burgjeve, ku është diskutuar për punën, sfidat dhe të arriturat gjatë vitit 2023.

Në fjalën e saj, ministrja Haxhiu kërkoi që të punohet me seriozitet në parandalimin e kontrabandës në burgje, ngritjen e sigurisë, krijimin e kushteve dhe për respektimin e të drejtave të të burgosurve.

Tutje, Haxhiu shprehu mbështetje për Shërbimin Korrektues të Kosovës në aspektin ligjor dhe atë financiar, ndërsa kërkoi që tu jepet mbështetje edhe grave të punësuara në institucionet korrektuese.

Ndërsa, drejtorët e burgjeve kanë raportuar për arritjet, sfidat dhe synimet të cilat janë përkitazi me planin e punës dhe realizimin e strategjive dhe planifikimeve për vitin 2024.

Sipas tyre çështje shqetësuese mbetet trajtimi i të burgosurve të cilët kanë vendim për trajtim psikiatrik. Drejtorët shprehen vullnetin që me përkushtim të pakursyer dhe përgjegjësi të plotë, t’i permbushin obligimet në perputhje me përgjegjësitë e tyre./E.O/

- Advertisement -spot_img

Me te lexuarat...

- Advertisement -spot_img

Lajmet tjera...