I dërguari i SHBA-së në Ukrainë është gjendur në një skenë në Poloni në Forumin e Sigurisë së Varshavës.
Aty, siç raportojnë mediat e huaja,ai ka folur edhe për luftën në Ukrainë.
Në këtë drejtim, sipas raportimit të mediave, ai ka thënë se Rusia nuk po e fiton këtë luftë.
“Po shohim një luftë që Evropa nuk e ka parë që nga Lufta e Dytë Botërore”, citohet të ketë thënë ai.
Sipas tij, “Rusia nuk po e fiton këtë luftë dhe ukrainasit kanë luftuar me guxim dhe në mënyrë të jashtëzakonshme”.
“Ukrainasit kanë qenë tepër të pathyeshëm në atë që po bëjnë, në fund të fundit është se është një luftë e madhe që duhet të mbyllet”, ka shtuar ai.
Ndërsa lidhur me perspektivën e një marrëveshjeje paqeje, Kellogg thotë se “askush në këtë dhomë” nuk mund ta kuptojë se çfarë po mendon Vladimir Putin.
Por Kellogg thotë se Putin e kupton se ‘nuk mund të fitojë’.
“… Ekziston një nivel frustrimi, ne jemi në një pozicion mjaft të mirë me ukrainasit dhe Putini nuk dëshiron të shkojë atje.
“Mendoj se ndoshta thellë-thellë, ai e kupton se nuk mund ta fitojë këtë”.
I pyetur nëse beson se Putini dëshiron bisedime paqeje, Kellogg thotë: “Unë jam një optimist i përjetshëm”.
