21/06/2024

Ish-ministri serb tregon kush e ngriti politikisht Milan Radoçiqin

të fundit...

- Advertisement -spot_img

Goran Bogdanoviq ka thënë se gjatë kohës sa ishte ministër për Kosovën në qeverinë serbe, Milan Radoiçiqi dhe grupi i tij janë arrestuar dhe kanë qenë në burg.

Bogdanoviq ka thënë se tash nuk e di kush e ka ndihmuar këtë grup.

“Pas vitit 2012 ata njerëz kanë filluar vrullshëm të eksponohen politikisht dhe financiarisht, etj. Unë nuk e kam asnjë dëshmi që kushdo, çfarëdo qeverie, në çfarëdo mënyre e ka ndihmuar apo ka punuar me ta. Por është e qartë se ka tregues se dikush ka marrë pjesë në gjithë këtë, që dikush ka ndihmuar në tërë këtë çështje dhe mendoj, siç thash më parë në fillim të bisedës sonë se politikanët në Prishtinë, të gjithë kryeministrat e qeverisë së Kosovës nuk do të mundnin të zgjidheshin po të mos ishte Lista Serbe”, tha ai, në një intervistë për emisionin #KallxoPërnime.

“Ua rikujtoj se në vitin 2013, kur është krijuar qeveria e Thaçit, pastaj qeveria e Hotit, qeveria e Haradinajt, edhe qeveria e Isa Mustafës, e cila mendoj se ishte më e keqja, pasi i shtynte disa njerëz të komunitetit serb dhe e ka ndihmuar krimin në veri të Kosovës. Ja po flas konkretisht për komunën e Leposaviqit ku kemi procedura që po vijojnë”, ka thënë Bogdanoviq.

Ai më tej ka thënë se do të ketë njerëz që Milan Radoiçiqin do ta trajtojnë si hero, do të ketë edhe të atillë që do ta trajtojnë si njeri që e shkel ligjin.

“Do të ketë njerëz që do ta trajtojnë në një mënyrë apo tjetrën, prandaj, është e falënderueshme të them tani se në cilën mënyrë do ta trajtojë qeveria e Serbisë dhe çka do të bëjë, po e përsëris, kjo nuk është pyetje për mua, nuk është se po i iki përgjigjes por thjesht, nëse nuk shoqërohesh me dikë, nëse nuk merr pjesë me dikë nuk mund as ta dini. Unë nuk jam ithtar i teorive konspirative”, tha ai.

Përderisa ka përfunduar duke thënë se nuk dëshiron që të flas vetëm për Radoiçiqin pasi sipas tij ka mbetur të shihet çfarë do të ndodh pas deklaratës së Vuçiqit që kishte thënë se do ta marrë në pyetje. /Kallxo.com/

- Advertisement -spot_img

Me te lexuarat...

- Advertisement -spot_img

Lajmet tjera...