15/06/2024

Keni probleme me dëgjimin? Ky ushqim nuk duhet të mungojë asnjëherë në pjatën tuaj

të fundit...

- Advertisement -spot_img

Ngrënia e peshkut të yndyrshëm, ndikon pozitivisht në dëgjimin tonë, zbulon një studim i ri nga Universiteti i Guelph në Kanada.

Në veçanti, studiuesit kanadezë kanë zbuluar se yndyrat e mira omega-3 që gjenden tek peshku dhe tek ushqimet e detit, kanë një rol mbrojtës kundër infeksioneve të veshit dhe një dëgjim më të mprehtë.

Deri në 20% më pak probleme dëgjimi, të cilat priren të ndodhin me kalimin e kohës, mund të përjetojnë ata që hanë rregullisht peshk dhe ushqim deti, sipas studiuesve.

Studiuesit analizuan të dhënat mbi statusin e vetë-raportuar të dëgjimit dhe nivelet e omega-3,  në gjakun e më shumë se 100,000 njerëzve.

Ata zbuluan se njerëzit me përqendrimin më të lartë të omega-3 në gjak kishin 16% më pak gjasa të raportonin vështirësi në dëgjim krahasuar me ata me përqendrim më të ulët. Ata gjithashtu kishin 11% më pak gjasa të ankoheshin për vështirësi dëgjimi në një ambient të zhurshëm.

Studiuesit mendojnë se acidet yndyrore omega-3 mund të mbrojnë qelizat e veshit të brendshëm ose të lehtësojnë çdo reaksion inflamator ndaj zhurmave të larta, kimikateve ose infeksioneve.

Studimet e mëparshme tek të moshuarit si dhe në kafshë eksperimentale kanë treguar gjithashtu se nivelet më të larta të omega-3 mund të mbrojnë kundër humbjes së dëgjimit të lidhur me moshën.

Konsumimi i rregullt i peshkut me vaj, si sardelet, skumbri dhe salmoni, ndikojnë në një dëgjim më të mprehtë.

“Nivelet më të larta të omega-3 lidhen me një rrezik më të ulët të sëmundjeve të zemrës, dëmtimit njohës dhe vdekjes. Studimi ynë zgjeron përfitimet acideve yndyrore omega-3, në ruajtjen e funksionit të dëgjimit dhe reduktimin e rrezikut të humbjes së dëgjimit të lidhur me moshën”, tha Dr. Michael McBurney, i cili drejtoi studimin.

- Advertisement -spot_img

Me te lexuarat...

- Advertisement -spot_img

Lajmet tjera...