29/05/2024

Krasniqi: Kërkesa për dorëheqjen e kryetarëve në veri vjen nga Beogradi

të fundit...

- Advertisement -spot_img

Ministri i Administrimit të Pushtetit Lokal, Elbert Krasniqi ka folur sërish për çështjen e zgjedhjeve në katër komunat në veri.

Krasniqi u shpreh se kërkesa për dorëheqjen e kryetarëve vjen nga Beogradi.

Ai madje tha se Beogradi zyrtar është fajtori që rezultatet e zgjedhjeve të mbajtura në veri ishin të ulëta.

“Këtë rezultat e kemi pasur si pasojë e frikësimit të qytetarëve serb nga Beogradi zyrtar. Nuk mund t’i fajësojmë kryetarët për këtë rezultat duhet fajësuar Beogradi që është shkaku i këtij problemi”, tha Krasniqi para mediave.

Ai shtoi se për të mundësuar zgjedhjet e parakohshme në veri, si Qeveri tashmë kanë marrë masat duke hartuar edhe Udhëzimin Administrativ.

“Kosova është palë konstruktive në këtë proces, kemi larguar dy herë nga 25% policinë nga objektet e komunave e kemi Udhëzimin Administrativ i cili i hap rrugë peticionit të qytetarëve për largimin e kryetarëve para përfundimit të mandatit, këto janë veprime të vullnetit të mirë të Qeverisë. Nuk ka asnjë autoritet që mund ti kërkoj kryetarit të një komune të jap dorëheqje ai është akt moral”, tha Krasniqi.

Sipas tij, institucionet e Kosovës nuk duhet që brengosen për kërkesat që vijën nga Serbia.

“Kam takime të vazhdueshme me kryetarët, ata e kanë mbështet procesin e peticionit dhe ata besojnë që kjo është demokracia. Dhënia dorëheqje e kryetarëve është kërkesë e Beogradit. Ne nuk jemi këtu që të brengosemi se çka mendon e çka kërkon Beogradi ne jemi këtu si institucioni të përkujdesemi për demokracinë”, u shpreh ministri.

Ai këto komente i bëri pas dështimit të mbajtjes së mbledhjes së Komisionit për Mbikëqyrjen e Financave Publike, ku në rend dite ishte raportimi i tij për raportin e auditimit për Pasqyrat Financiare Vjetore të Ministrisë së Administrimit të Pushtetit lokal, për vitin 2022. /Telegrafi/

- Advertisement -spot_img

Me te lexuarat...

- Advertisement -spot_img

Lajmet tjera...