25/06/2024

Krstiq: Protestuesit kanë dalë me zor në protesta me thirrje të Listës Serbe

të fundit...

- Advertisement -spot_img

Branislav Krstiq, gazetar nga Mitrovica, thotë se kryeministri Albin Kurti po luan me të drejtat kolektive të qytetarëve serbë dhe po merr vendime të njëanshme.

I ftuar në emisionin “Kallxo Përnime”, Krstiq tha se Kurti ka pasur periudhë të suksesshme në 18 muajt e parë ne negociata me Beogradin zyrtar.

“Por, në 6 muaj e fundit ai ka marrë vendim: unë jam shtet, unë jam pushtet” – shtoi ai.

“Deri kur? Deri kur zyrtarët më të lartë të administratës amerikane e kanë kuptuar që kryeministri ynë po luan me të drejtat kolektive të serbëve në veri” – shtoi ai.

Tani, sipas tij, situata është më e qetë në veri dhe ka një paqe.

Kjo, sipas tij, shihet edhe në buzëqeshjet e policëve.

Ndonëse, thotë se protestuesit kanë dalë me zor në protesta me thirrje të Listës Serbe, kjo e fundit siç thotë Kërstiq e ka humbur kredibilitetin te populli serb në veri të Kosovës.

Gazetari po ashtu tha se një deklaratë e zëdhënësit të Policisë së Kosovës, Baki Kelani, është bërë nga presioni i madh.

“Më duket z. Kelani kur ka dalë me atë deklaratën kur vetura e policisë është sulmuar me gurë ka qenë vetëm presioni nga policia në Prishtinë sepse 15 gazetarë kemi qenë atje, askush s’e ka regjistruar atë sulm me gurë në veturë të policisë”, tha Krstiq.

Ai ka shtuar se njerëzit në veri e kanë kuptuar që vendimet e Kurtit janë të njëanshme dhe se atij nuk po i interesojnë njerëzit në veri, por vetëm territori.

“Edhe unë jam nganjëherë në këtë grup, edhe bashkësia ndërkombëtare e ka kuptuar këtë”, u shpreh ai.

- Advertisement -spot_img

Me te lexuarat...

- Advertisement -spot_img

Lajmet tjera...