Kryeministri i Republikës së Kosovës, Albin Kurti, sot do të qëndrojë për një vizitë punë në Turqi, raporton Gazeta Sinjali.
Sipas njoftimit të Drejtorisë së Komunikimit të Presidencës turke, kryeministri Kurti do të pritet në takim nga presidenti i Turqisë, Recep Tayip Erdogan.
Agjencia e lajmeve Anadolu raporton se në takim do të shqyrtohen në aspekte të ndryshme marrëdhëniet dypalëshe mes Turqisë dhe Kosovës.
Më tutje, pritet të diskutohen edhe hapat e tjerë për thellim të bashkëpunimit si dhe çështjet rajonale e ndërkombëtare, me theks të veçantë në ato të Ballkanit.
Në anën tjetër, nga Kryeministria nuk janë deklaruar ende për vizitën e Kurtit në Turqi.
