Kryenegociatorët, ai Kosovës Besnik Bislimi dhe i Serbisë, Petar Petkoviq, së shpejti pritet të takohen në Bruksel.
Kështu ka bërë të ditur emisari i Bashkimit Evropian për procesin e dialogut, Miroslav Lajçak.
Përmes një shkrimi në llogarinë zyrtare në Facebook, Lajçak ka thënë se javën e kaluar në bisedimet që i pati arritën njëfarë progresi.
“Përderisa kjo javë nis me pikat e tjera, java e kaluar ishte tërësisht e fokusuar në atë kryesoren – dialogun për normalizim. E nisa duke pritur kryenegociatorët për një raund tjetër të negociatave të dialogut në Bruksel”.
“Ne diskutuam rrugën përpara për zbatimin e marrëveshjes së 27 shkurtit dhe synuam t’i qartësojmë çështjet që kanë mbetur të hapura. Ndërsa gjetja e bazës së përbashkët mund të jetë sfiduese, ne arritëm njëfarë progresi. Diskutimet tona do të vazhdojnë sërish në javët në vijim”, ka thënë Lajçak./telegrafi
