Moskë
Ministri rus i Punëve të Jashtme, Sergey Lavrov, ka bërë thirrje për “kontakte shtesë midis vendeve” për të zgjidhur problemet globale, transmeton Anadolu Agency (AA).
Duke folur në një takim informues me krerët e misioneve diplomatike të akredituar në Moskë në prag të seancës së 77-të të Asamblesë së Përgjithshme të Kombeve të Bashkuara (OKB), Lavrov theksoi se OKB-ja u themelua për të kërkuar zgjidhje kolektive për problemet globale.
“Jemi dëshmitarë të akumulimit të proceseve të krizës, të lidhura me politikën ekonomike dhe me politikën në fushën e furnizimit me energji të njerëzimit, si dhe të proceseve që shkaktohen drejtpërdrejt nga minimi i themeleve mbi të cilat u mbështet i gjithë sistemi i globalizimit”, tha Lavrov.
Shefi i diplomacisë ruse theksoi se ngjarjet e nivelit të lartë po fillojnë këtë javë në New York, gjatë të cilave, siç tha ai, do të bëhen “vlerësime të vështira të veprimeve të ndryshme të vendeve të ndryshme” dhe shtoi se “nuk ka shpëtim nga kjo”.
Debati i përgjithshëm i seancës së 77-të të Asamblesë së Përgjithshme të OKB-së do të fillojë nesër në New York.
