Kryeministri izraelit Benjamin Netanyahu mori reagime të ashpra nga politikanët në vend për komentet e tij në të cilat fajësoi shërbimet e sigurisë dhe inteligjencës për sulmet e Hamasit më 7 tetor, raporton Anadolu.
Akuza e Netanyahut për një gabim sigurie në sulmet ndaj Izraelit nga Rripi i Gazës i bllokuar kundër ushtrisë dhe agjencisë vendase të inteligjencës Shin-Bet shkaktoi reagime nga politikanët në vend, me komentet se kryeministri “kaloi vijën e kuqe”.
Gabi Ashkenazi, ish-shefi i shtabit dhe ministri i Jashtëm i Izraelit, komentoi poshtë postimit të Netanyahut në rrjetet sociale dhe i kërkoi kryeministrit të hiqte postimin e tij, duke thënë: “Ne jemi në luftë”.
Lideri i opozitës dhe ish-kryeministri Yair Lapid në një deklaratë në llogarinë e tij X tha: “Netanyahu ka kaluar vijën e kuqe”.
“Derisa ushtarët dhe komandantët izraelitë luftojnë me guxim kundër Hamasit dhe Hezbollahut, ai përpiqet t’i fajësojë ata në vend që t’i mbështesë. Kjo është përpjekje për të shmangur përgjegjësinë dhe për t’ua transferuar fajin shërbimeve të sigurisë së ushtrisë izraelite ndërsa luftojnë armiqtë e Izraelit”, tha Lapid.
Kreu i partisë opozitare Yesh Atid (Ka një të ardhme) vuri në dukje se Netanyahu duhet të kërkojë falje për këto fjalë.
Benny Gantz, kreu i bllokut opozitar të Unitetit Kombëtar dhe ish-ministër i Mbrojtjes, i cili iu bashkua kabinetit të luftës të formuar pas 7 tetorit, argumentoi se në një kohë të tillë kur “ushtria izraelite dhe shërbimet e inteligjencës janë në luftë”, “udhëheqja politike duhet të tregojë përgjegjësi dhe mbështetje për forcat izraelite siç pritet prej tyre”.
Udhëheqësi fetar sionist dhe ministri i Financave, Bezalel Smotrich, një nga partnerët e koalicionit të Netanyahut, gjithashtu kundërshtoi deklaratën e Netanyahut, duke thënë se ishte “e gabuar të dobësoheshin komandantët e ushtrisë izraelite”.
“Është koha për të vepruar me përgjegjësi, për të mbështetur dhe forcuar njëri-tjetrin, edhe kur ata gabojnë”, tha Smotrich.
Udhëheqësi i Partisë Laburiste, Merav Michaeli deklaroi: “Derisa fëmijët tanë po hanë ushqim të shpejtë në Rripin e Gazës, djali i tij po bën plazh në Miami, Netanyahu ulet në zyrën e tij, plot me puro dhe shampanjë, duke fajësuar komandantët ushtarakë për katastrofën e Simchat Tora”.
Në deklaratën në llogarinë e tij X, Michaeli shtoi: “Derisa ushtria izraelite po lufton kundër Hamasit, Netanyahu po lufton ushtrinë izraelite dhe popullin izraelit. Izraeli do të fitojë”.
Në një postim në llogaritë e tij në mediat sociale, Netanyahu fajësoi ushtrinë izraelite dhe agjencinë vendase të inteligjencës Shin-Bet për dobësinë e sigurisë në sulmet e kryera nga Hamasi nga Rripi i Gazës i bllokuar më 7 tetor.
