Kuvendi i Kosovës e ka miratuar në parim Projektligjin për Komisionin e Pavarur të Mediave.
Pro këtij projektligji kanë votuar 62 deputetë, nuk kishte vota kundër ose abstenime.
Kujtojmë se ky projektligj ishte kritikuar nga organizata të ndryshme, duke përfshirë organizata si Asociacioni i Gazetarëve të Kosovës (AGK) dhe Komisioni i Mediave të Shkruara të Kosovës (KMSHK), të cilët kishin kërkuar nga Qeveria të tërhiqet nga Projektligji i ri për KPM-në, pasi sipas tyre ka tendencë për t’i sulmuar dhe kontrolluar mediat. /Zëri
