29/05/2024

Ndeshja Twente-Ajax, solli një moment me siklet: Djali shënoi gol kundër babait të tij – tha se ishte e dhimbshme ta shihje duke vuajtur

të fundit...

- Advertisement -spot_img

Një situatë disi e pabesueshme u pa në duelin Twente-Ajax, në të cilin vendasit fituan me rezultat 3-1, babë e bir ishin në dy anë të ndryshme.

Trajneri i Ajaxit, Maurice Steijn, ka mundur ta shohë djalin e tij në fushë si një futbollist profesionist dhe është një moment krenarie për çdo baba. Megjithatë, Maurice këtë herë u gjend përballë djalit të tij dhe nuk ishte i lumtur për suksesin që ai kishte.

Gjegjësisht, djali i tij Sam Steijn ka luajtur nga minuta e parë për kundërshtarin Twenten dhe ka shënuar golin për epërsi 2-0 ndaj skuadrës së drejtuar nga babai i tij.

Kamerat kanë regjistruar menjëherë një situatë disi të pabesueshme. Pavarësisht se goli u shënua nga djali i tij, trajneri i Ajaxit ishte në mosbesim dhe po kruante kokën.

Një nga arsyet është se Ajaxi nën drejtimin e tij në sezonin e ri nuk po shkëlqen.

Futbollisti i ri Sam Steijn ka parë reagimin e babait të tij të pikëlluar, ndaj në një deklaratë për mediat pas ndeshjes ka treguar se kishte ndjenja të përziera gjatë ndeshjes.

“Kur pashë reagimin e babait tim, ishte e vështirë ta shihja”, ka thënë Sam Steijn pas ndeshjes.

- Advertisement -spot_img

Me te lexuarat...

- Advertisement -spot_img

Lajmet tjera...