Osteoporoza është një sëmundje që dobëson eshtrat, duke i bërë më të brishta dhe të prirura për thyerje. Ajo ndodh kur trupi humbet më shumë kocka sesa krijon, çka shkakton një rritje të rrezikut për fraktura, veçanërisht në ije, shpinë dhe kyçe.
Mosha e shtuar, menopauza tek gratë, mungesa e aktivitetit fizik dhe dieta e varfër me kalcium dhe vitaminë D janë disa nga faktorët kryesorë që rrisin këtë rrezik. Thyerjet shpesh ndodhin nga rrëzime të lehta ose madje dhe nga lëvizje të zakonshme.
Për ta parandaluar, është thelbësore të kemi një stil jetese të shëndetshëm, ushtrime të rregullta dhe një dietë të pasur me kalcium e vitaminë D. Kontrolli i hershëm me Dexa skan mund të ndihmojë në zbulimin dhe trajtimin e osteoporozës përpara se të shkaktojë dëme serioze.
Dr Besim Bytyqi
Internist dhe Reumatolog
04877399
