Ministria e Shëndetësisë në Gaza ka njoftuar se disa punonjës shëndetësorë dhe persona të tjerë ndodhen të bllokuar brenda Spitalit Evropian në Khan Younis, pasi evakuimi i tyre nuk ka qenë i mundur për shkak të zjarrit të përsëritur nga forcat izraelite.
Në një deklaratë në Telegram, ministria kërkoi nga autoritetet përkatëse të sigurojnë mbrojtje për institucionet shëndetësore dhe stafin e tyre.
Organizata Botërore e Shëndetësisë bëri me dije të premten se të paktën 94 për qind e spitaleve në Gaza janë dëmtuar ose shkatërruar nga lufta e Izraelit në këtë territor.
