Prezantimi i Samsung Galaxy S23 është çështje ditësh. Modeli i ri i kompanisë koreane do të ndodhë në ngjarjen e zyrtarizuar me 1 shkurt.
Ngjarja “Galaxy Unpacked 2023” do të mbahet në San Francisko, e cila do të jetë ngjarja e parë e këtij formati në tre vite që nga fillimi i pandemisë COVID-19, shkruan Indeksonline.
Lajmi i mirë për blerësit e mundshëm të S23 është se Samsung nuk do të rrisë çmimet në modelet e reja në krahasim me serinë S22 të vitit të kaluar.
Galaxy S23 do të fillojë me 799 dollarë për 8 GB RAM dhe 128 GB memorie. Samsung do të ofrojë gjithashtu një version 8/256 GB të S23, shkruan Indeksonline
Galaxy S23+ do të fillojë me 999 dollarë dhe do të sjellë 8 GB RAM dhe 256 GB hapësirë ruajtëse si modelin e tij bazë, që është një hap më lart se modeli bazë S22+ i cili kishte 128 GB hapësirë ruajtëse. Samsung do të ofrojë gjithashtu një model 8/512 GB nëse keni nevojë për hapësirë shtesë.
Galaxy S23 Ultra fillon me 1,199 dollarë, i cili do t’ju sigurojë të njëjtën 8 GB RAM dhe 256 GB hapësirë ruajtëse si modeli bazë S23+. Nëse dëshironi të kaloni në 12 GB RAM, do të duhet të zgjidhni modelin me 512 GB hapësirë ruajtëse./Indeksonline/
