21/06/2024

SHBA jep 250 kamera trupi për policët e Kosovës

të fundit...

- Advertisement -spot_img

Policët e Kosovës janë pajisur me 250 kamera të trupit e 130 të instaluara në vetura, falë një projekt i përbashkët ndërmjet INL-DOS dhe ICITAP-DOJ, pranë Ambasadës së Shteteve të Bashkuara të Amerikës në Prishtinë.

Një pjesë e këtyre kamerave të cilat i ka pranuar Policia e Kosovës, do të shpërndahen edhe në veri të vendit. Kështu ka thënë drejtori i Përgjithshëm i Policisë së Kosovës Gazmend Hoxha.

Ai pohoi se kamerat do të rrisin besueshmërinë e qytetarëve ndaj Policisë. Hoxha ka treguar se kamerat e trupit, do të përdoren edhe nga njësitet e trafikut dhe ato kufitare.

“Ne si polici mundohemi që detyrat ti kryejmë me nder dhe respekt.Jemi organizatë e ndërtuar në parime të larta demokratike. Do të ndikojnë në rritjen e besimit te qytetarëve tanë të Policia e Kosovës”.

“Këto do të përdoren edhe di dëshmi, shkelje, dëshmi të kundërvajtjeve të caktuara në rrugë.Këto kamera di të përdoren nga njësitet tona të trafikut dhe ato kufitare. Një pjesë e tyre do të shpërndahen edhe në veri”.

Ambasadori amerikan Jeffrey Hovenier, tha se donacioni është dëshmi e mbështetjes nga Policisë së Kosovës. Hovenier shtoi se kamera do ta përmirësojnë llogaridhënien e policëve dhe do të dëshmojnë me paanshmëri për rastet.

Ai u shpreh krenar që ShBA-ja e jep këtë donacion që shënon programin e parë të kamerave të trupit në Kosovë.

“Këto kamera kanë rëndësi jetike për sigurinë në Kosovë. Ajo që ShBA dëshirojnë të shohin është që të zë vendin e saj ku i takon. Edhe ne në ShBA kemi sfidat tona sa i përket llogaridhënies policore, dhe megjithëse nuk jemi të përsosur ne kemi arritur të përmirësojmë komunitetin përmes mbikëqyrjes”.

“Kamerat e trupit tashmë janë një pjesë standarde e pjesës së një polici sepse i bëjnë rrugët më të sigurta. Ky donacion është një dëshmi e mbështetjes ndaj policisë së Kosovës. 250 kamera të trupit do të barten nga policët dhe 113 sistem kamerash në vetura që do të përdoren nga Policia në trafik dhe ajo doganore“.

Me këtë u bë publikimi i një video-sekuence të përdorimit të kamerave nga zyrtarët policorë, si dhe ekspozimi dhe demonstrimi i përdorimit të kamerave të trupit.

- Advertisement -spot_img

Me te lexuarat...

- Advertisement -spot_img

Lajmet tjera...